No Image
No Image

Tanınmış xanımlar 8 Martda hansı hədiyyəni gözləyir? – “Karantin zamanında nə gözləyəsən?”

Tanınmış xanımlar 8 Martda hansı hədiyyəni gözləyir? – “Karantin zamanında nə gözləyəsən?”
Bir neçə gün sonra 8 Mart Beynəlxalq Qadınlar Günüdür. Qadınların əksəriyyəti bayramda hədiyyə almaq istəmədiklərini dilə gətirsələr də, kiçik də olsa diqqət, qayğı umurlar.

Sfera.az olaraq bəzi tanınmış qadınlarımıza "8 marta nə hədiyyə gözləyirsiniz?” sualı ilə müraciət etdik.

Milli Məclisin deputatı Kamilə Əliyevasaytımıza açıqlamasında bildirib ki, 8 Mart onun üçün elə də xüsusi gün sayılmır: "Düzdür, hər bir qadın təbrik edilmək istəyər. Hədiyyəyə o qədər də meylli deyiləm. Amma qadın üçün 8 martda ən yaxşı hədiyyə çiçəklər, ətir və bu kimi şeylərdir. Mənim üçün ən yaxşısı övladlarımın hədiyyəsidir. Bu, daha önəmli, daha əzizdir. Xüsusi gözləntim yoxdur. Öz növbəmdə birinci vitse-prezidentimiz Mehriban Əliyeva başda olmaqla, bütün Azərbaycan xanımlarını təbrik edirəm. Hamısına can sağlığı, sülh-əminamanlıq, firavanlıq və əsl qadın xoşbəxtliyi arzulayıram”.
Xalq artisti, aktrisa Məleykə Əsədova qızının ona süpriz hazırladığını bildirib: ”Yəqin ki, səhər durub məni təbrik edəcək. Ən gözəl sözləri övladımdan gözləyirəm. Önəmli olan elə qızımın mənə olan diqqətidir”.
 
Tanınmış jurnalist Əzizə İsmayılova deyib ki, heç vaxt hər 8 Mart da daxil olmaqla, hər hansı bayramda kimdənsə məxususi hədiyyə gözləntisi olmayıb: "Dostların, əməkdaşların hədiyyələri, təbrikləri ilə yetinirəm. Olmasa da dərd etmirəm. Hər günü olduğu kimi yaşamağı sevirəm - istər hədiyyəli, istər hədiyyəsiz...”.

Müğənni Xuraman Şuşalı heç bir hədiyyə gözləmədiyini deyib: "Karantin zamanında nə gözləyəsən? Can sağlığı ən böyük hədiyyədir. Sevdiklərimin yanımda olması, sağlam olması bəsdir.  Allah bərəkət versin, özümüzü dolandırırıq kifayətdir. Hədiyyə filan lazım deyil.
Həyat yoldaşımın canı sağ olsun, korona tutub evə gəlməsin, özünü xəstə salmasın - bu ən böyük hədiyyədir. Ümumiyyətlə həyat yoldaşımın özü mənim üçün hədiyyədir. Düşünürəm ki, onun saf məhəbbəti mənə bəsdir”.

Müğənni Sevda Sanaliyeva sualın çətin olduğunu vurğulayıb və səbəbini bu cür izah edib: "Çünki bir xanım kimi hədiyyə gözlədiyim insan yoxdur. Amma həyatımda bir insan olsaydı, təbii ki, bunu maddiyyata bağlamayacam. Qadını xoşbəxt edən şey onu özəl hiss etdirən insandır. Nə qədər özəl hiss etdirərsə, qadın üçün bütün günlər 8 Mart olar. Ona görə hüzur və xoşbəxtlik istəyərdim”.

Günay Rəsulqızı
Sfera.az
 
Sehliyali
Turan Bank

OXŞAR XƏBƏRLƏR

Bakı, Sumqayıt, Gəncə, Şəki və Abşeronda məktəblər AÇILIR

Təhsil Nazirliyi Kollegiyasının müvafiq qərarına əsasən, Bakı, Sumqayıt, Gəncə və Şəki şəhərlərinin, Abşeron rayonunun ərazisində yerləşən ümumi və məktəbdənkən...

Koronavirusa yoluxma sayı azaldı, 15 nəfər öldü

Azərbaycanda koronavirus (COVID-19) infeksiyasına 722 yeni yoluxma faktı qeydə alınıb, 1 854 nəfər müalicə olunaraq sağalıb. Nazirlər Kabineti yanında Ope...

Bu il fitrə zəkatı nə qədər olacaq? - İlahiyyatçıdan AÇIQLAMA

"Qafqaz Müsəlmanlar Şurasının Qazilər Şurasının verdiyi fətvaya əsasən fitrə minimum 5-10 manat civarındadır".    Bunu Sfera.az-a açıqlamasında ilah...

“Rüstəm Muradov geri çağrılmalı, başqası ilə əvəzlənməlidir” – Generalın 6 aylıq fəaliyyətinə baxış

Rusiyanın Qarabağdakı sülhməramlı kontingentinin komandanı, general-leytenant Rüstəm Muradovun fəaliyyətə başlamasından 6 ay vaxt keçir. Bu müddət ərzin...

Mədəniyyət Nazirliyindən Arif Quliyevin dəfn yeri ilə bağlı AÇIQLAMA

Mədəniyyət Nazirliyi tanınmış teatr və kino aktyoru, Xalq artisti Arif Quliyevin vəfatından kədərləndiyini bildirib, ailəsi və yaxınlarına başsaşlığı verib. ...

Qan laxtalanmasına səbəb olduğu deyilən yeni vaksinlə bağlı TƏBİB-dən AÇIQLAMA

Xəbər verdiyimiz kimi, may ayının üçündən etibarən koronavirus əleyhinə "AstraZeneca" şirkətinə məxsus "Vaxzevria" vaksininin tətbiqinə başlanılıb. "Astr...