Rusiya dronları Avstriyanı da qorxuya saldı - Şura toplandı

Avstriya hakimiyyəti Polşada baş verən dron insidentindən sonra Milli Təhlükəsizlik Şurasının iclasını keçirib. 

 

Sfera.az xəbər verir ki, ORF telekanalının məlumatına görə, iclasda Rusiya dronlarının Avropa Birliyi hava məkanını pozması iddiaları, “hibrid təhdidlər” və müdafiə naziri Klaudiya Tannerin uzaqmənzilli hava hücumundan müdafiə sistemlərinin alınmasını sürətləndirmək təşəbbüsü müzakirə olunub.

 

Rusiyanın rəsmisi Yuliya Jdanova isə bildirib ki, Avropa Birliyi Polşadakı dron insidentindən Rusiyaya qarşı dezinformasiya kampaniyası üçün istifadə edir və məqsəd Alyaskada ABŞ-Rusiya sammitindən sonra yaranmış sülh imkanlarını puça çıxarmaqdır.

Xatırladaq ki, sentyabrın 10-na keçən gecə Polşa 19 dəfə hava məkanının pozulduğunu açıqlamış və NATO 4-cü maddəni işə salaraq məsləhətləşmələrə başlamışdı. Rusiya Müdafiə Nazirliyi isə hədəflərinin yalnız Ukraynadakı hərbi-sənaye obyektləri olduğunu, Polşa ərazisinin vurulmadığını və məsələnin müzakirəsinə hazır olduqlarını bəyan edib.

 

Niyaz Hacıyev
Sfera.az