No Image
No Image

Qüdrət Həsənquliyev sülhə tələsməməyə çağırır

Qüdrət Həsənquliyev sülhə tələsməməyə çağırır
Qüdrət Həsənquliyev: "Faşizmə yoluxmuş erməni xalqının növbəti müharibə təxribatlarından qorunmaq üçün güclü, müasir, beşinci nəsil müdafiə və hücum silahları ilə təchiz olunmuş peşəkar orduya sahib olmalıyıq”

Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin "Xalq cəbhəsi” qəzetinə müsahibəsini oxucularımıza təqdim edirik

- Qüdrət bəy, Ermənistanda Paşinyana qarşı birləşmiş müxalifətin lideri Vazgen Manukyan bəyan edib ki, Paşinyanın imzaladığı üçtərəfli Bəyanatın icrasından yayınmaq mümkünsüz olsa da, onlar heç vaxt həmin bəyənatla barışmayacaqlar və bəyantın hər müddəasının Ermənistanın xeyrinə izah olunmasına çalışacaqlar. Əsas hədəflərindən biri də Rusiya ilə möhkəm dost olmaqla yanaşı, dünyada formalaşan antitürk koalisiyasına üzv olmaqdır. Sizə elə gəlmir ki, Ermənistanla sülhdən danışmaq çox tezdir?

- Bəli, sülhdən danışmaq çox tezdir. Erməni faşizminə güclü zərbə vursaq da, erməni faşizmi Qərb ölkələrinə, böyük dövlətlərə ciddi ziyan vurmaq gücündə olmadığı üçün bizə onu alman faşizmi kimi tam məhv etməyə mane oldular. Faşizmə yoluxmuş erməni xalqının növbəti müharibə təxribatlarından qorunmaq üçün güclü, müasir, beşinci nəsil müdafiə və hücum silahları ilə təchiz olunmuş peşəkar orduya sahib olmalıyıq. Bizim xüsusi təyinatlılar Vətən müharibəsində bir daha təsdiq etdilər ki, döyüşə peşəkarlar getməlidir. Müdafiə sənayesini inkişaf etdirilməli, təhlükəsizlik və digər sahələrdə Türkiyə ilə əlaqələri ən yüksək səviyyəyə qaldırılmalıyıq.

- Hamını düşündürən və narahat edən məqmlardan biri də odur ki, Dağlıq Qarabağ üzərində suveren hüquqlarımızın bərpa olunması nə qədər zaman ala bilər?

- Bu regional və beynəlxalq geosiyasi vəziyyətdən çox asılı olacaq. Birgə Bəyanatdan sonra Putin mətbuata verdiyi ilk açıqlamada söylədi ki, status-kvo saxlanılır, status məsələsini isə gələcək rəhbərlər həll edər. Amma onu da qeyd edim ki, Allah böyükdür, siyasi vəziyyətin dəyişməsi dövlət başçılarının da mövqeyini dəyişir. Qərb Türkiyəni Rusiya ilə toqquşdurmaq istəyirdi. Bu alınmayanda, hazırda Yunanıstan və Misirlə böyük müharibəyə cəlb edib zəiflətmək istəyir. Ərdoğan yenidən Prezident seçilərsə və Türkiyə ağır və üzücü müharibələrdən yayınıb hərbi sənaye kompleksinin inkişafını bu sürətlə davam etdirə bilərsə, beş il müddətində dünyada ən müasir dronlarla yanaşı beşinci nəsil qırıcı təyyarələr, min kilometrlərlə məsafədə hədəfi dəqiqliklə vura bilən ballistik raketlər, artilleriya qurğuları, raketdən və hava hücumundan müdafiə sistemlərini, tank və digər silah-sursatı kütləvi istehsal edəcək. Ona görə, bu gün biz əldə etdiyimiz Böyük Qələbənin nəticələrini qoruyub saxlamalı, işğaldan azad olunmuş torpaqlarımızda quruculuq işlərinə başlamalıyıq.

-Rusiya ilə münasibətlərimizin gələcəyini necə görürsünüz? Moldova və Gürcüstandakı vəziyyətlə üzləşməyəcəyik ki?

-Rusiya ilə strateji əməkdaşlıq münasibətlərini inkişaf etdirməliyik. Qardaş Türkiyənin dəstəyi və Rusiya ilə dostluq münasibətləri sayəsində torpaqlarımızın 15%-ni işğaldan azad edə bildik. Biz suverenliyimizi məhdudlaşdırmayacaq səviyyədə Rusiyanın maraqlarını təmin etməklə işğal altında qalan 5 % ərazimizi təşkil edən Dağlıq Qarabağda da dövlət suverenliyimizin tam bərpa olunmasına nail olmalıyıq. Regionda Rusiya, Türkiyə, İran və Azərbaycanın əməkdaşlığına böyük ehtiyac var. Sonradan bura Gürcüstan və Ermənistan da qoşula bilər. Bunun üçün isə digər tərəfdaşlar Azərbaycanın ərazi bütövlüyünün tam təmin olunmasına tövhə verməlidirlər.

- Rusiya hərbçilərini Azərbaycana buraxmadan torpaqlarımızın indiki ölçüdə işğaldan azad olunması mümükün idimi?

-Bir mənalı şəkildə deyirəm ki, yox. Rusiya ilə ciddi iş aparıb onun neytral qalacağına əmin olmadan torpaqların işğaldan azad olunması üçün hərbi əməliyyatlara başlamaq çox riskli və dövləti ciddi təhlükə altına atmaq olardı. Düşünürəm ki, prezident dövlətçiliyimiz üçün ən uğurlu qərarı qəbul edib. Gəlin 20 yanvar 1990-cı ildə öz torpaqlarının müdafiəsinə qalxmış dinc insanlarımızı Kremlin tankın altına salıb gülləbaran etməsini yada salaq. Qərb Qorbaçyovu alqışladı ki, dini ekstremizmə qarşı yaxşı mübarizə aparırsan. Birinci Qarabağ savaşını yada salaq. 1992-ci ilin dekabrında ABŞ Azərbaycana dövlət yardımını qadağan edən sanksiya tətbiq etdi. BMT TŞ torpaqlarımızın işğalının qarşısını almaq üçün onun qərarlarını tualet kağızı hesab edən Ermənistana qarşı heç bir effektli tədbir görmədi. Öz ev-eşiyindən didərgin salınmış bir milyon insanın 30 il ağır bir həyat yaşamasına, 20% torpaqlarımızın işğal altında qalmasına, şəhər və kəndlərimizin dağıdılmasına, işğal altındakı bəzi yaşayış məntəqələrimizin məskunlaşdırılmasına qanunun aliliyindən danışan, "mədəni və ədalətli” Qərb dünyası göz yumdu. Ona görə gecə-gündüz Prezidentin bu addımını tənqid edənlər desinlər görək onlar torpaqlarımızı necə azad edəcəkdilər. "Biz Xankəndinə çatmışdıq, niyə dayandıq” deyənlər düşünsünlər ki, Xankəndinə qədər necə gedib çatmışdıq? Rusiya bu münaqişəyə qatılsaydı, kiçik istisnalarla bütün Qərb ölkələri, bəzi dövlətlər Ermənistana hər cür açıq hərbi yardım edəcəkdilər. Böyük dövlətlərin qatıldığı müharibə nəticəsində ölkəmiz viran qalacaqdı. Həm də qardaş Türkiyəni Rusiya ilə müharibəyə cəlb etmək nə qədər vicdanlı davranış olardı? Bu günlərdə siyasətdən uzaq dostlardan biri yarızarafat-yarıciddi söylədi ki, "Qüdrət bəy, Prezidenti tənqid edən bu insanlar niyə başa düşmür ki, biz rusları yox, onlar bizi Dağlıq Qarabağa buraxıb”. Əgər kimsə deyərsə ki, bu bizim haqqımız idi, o zaman belə bir sual ortaya çıxır: Məgər cəngəllik qanunları ilə yaşayan müasir dünyada hər kəs haqq etdiynə sahib ola bilir?
Turan Bank

OXŞAR XƏBƏRLƏR

İlham Əliyev Azərbaycan Televiziyasına müsahibə verdi

Prezident İlham Əliyev yanvarın 18-də Sumqayıt Kimya Sənaye Parkında "Azərsulfat” MMC-nin sulfat turşusu istehsalı, "Glassica” QSC-nin şüşə tara məhsullarının i...

"Xarici donorların Azərbaycana cəlb olunması çox vacibdir" - MÜSAHİBƏ

Ramin Hacılı: "QHT nümayəndələri ölkəmizin beynəlxalq siyasətində aparıcı rol almalıdır” Azərbaycan Avropa Hərəkatının rəhbəri, politoloq Ramin Hacılı Qay...

Soltan Məmmədov: Azərbaycanda tətbiq olunacaq "CoronaVac” peyvəndi tələb olunan standartlara uyğun bütün sınaq mərhələlərindən keçib

Milli Məclisin Səhiyyə komitəsinin üzvü Soltan Məmmədovun APA-ya müsahibəsi: - Azərbaycanda COVID-19 əleyhinə peyvəndlərin tətbiqinə başlanılır. Sizcə pe...

Azərbaycanda vaksinasiyanın hansı formada aparılacağı məlum oldu

Səhiyyə Nazirliyinin nəzdində fəaliyyət göstərən COVID-19-la mübarizə işçi qrupunun üzvü Aris Rüstəmov poliklinikalardakı peyvənd otaqları barədə danışıb. ...

Problemlər populistlərin pafosu ilə deyil, praqmatik siyasətlə dəf olunur - MÜSAHİBƏ

Sfera.az xəbər verir ki, Milli Məclisin deputatı Ülvi Quliyev Oxu.Az-a müsahibə verib: - Prezident İlham Əliyevin yanvarın 11-də iştirak etdiyi Moskva gör...

Siyavuş Novruzov “vedrə söhbəti”nə aydınlıq gətirdi: "Başqa məqsədləri var"

YAP-ın İdarə Heyətinin və Siyasi Şurasının üzvü, Milli Məclisin Regional məsələlər komitəsinin sədri Siyavuş Novruzov növbəti dəfə sosial şəbəkə istifadəçilərin...