"Putin Paşinyana sui-qəsd təşkil edə bilər"

"Rusiya ilə Azərbaycan arasında yaranan siyasi böhranın davam etməsi gözlənilir".

Sfera.az xəbər verir ki, bunu politoloq Məhəmməd Əsədullazadə deyib. Onun sözlərinə görə, Rusiyanın Cənubi Qafqazda geosiyasi mövqeyi zəifləyir:

“Rusiya ikinci Qarabağ müharibəsində imzalanan 10 noyabr "Üç tərəfli Bəyannaməsi" ilə regionda qalıcılığını planlaşdırırdı. Artıq 10 noyabr "Üç tərəfli Bəyannamə" qüvvədən düşüb. Rusiya Xəzər dənizində Azərbaycana qarşı təxribatlara əl ata bilər. "Orta dəhliz" Xəzər dənizindən keçir. Təbii ki, burada Çinin geosiyasi maraqları da təhdid edilə bilər”.

Ekspert vurğulayıb ki, Rusiya Azərbaycana tam təzyiqlər etmək və regionda qalmaq niyyəti ilə Ermənistanda Paşinyanın devrilməsi üçün maksimum çalışacaq:

“Azərbaycana təzyiqlər daima Ermənistan üzərindən olub. Rusiya Kilsə və müxalifətdən istifadə edərək hakimiyyəti yıxmağa çalışır. Rusiyanın Ermənistanda qalib gəlmək şansı yoxdur. Xalq da bilir ki, Rusiyanın dəstəklədiyi qüvvələrin hakimiyyətə gəlişi Azərbaycanla müharibə deməkdir. Ermənistan Baş nazirinə Rusiyanın sui-qəsd etməsi istisna deyil”.

Firuzə Əliyeva

Sfera.az