Paşinyan müharibədən danışdı: "Heç bir halda..."

"Müharibə üçün heç bir əsas yoxdur". 

Sfera.az xəbər verir ki, bunu Ermənistanın baş naziri Nikol Paşinyan parlamentdə çıxışı zamanı deyib. 

Paşinyan bildirib ki, Ermənistan və Azərbaycan bir-birinin ərazi bütövlüyünü, suverenliyini, beynəlxalq səviyyədə tanınmış sərhədlərinin toxunulmazlığını və gücdən istifadənin və ya güc tətbiq etmə təhdidinin yolverilməzliyini tanıyıb. 

“Bu reallıqlara əsaslanaraq, mən Ermənistan və Azərbaycandakı bütün qüvvələri və ayrı-ayrı şəxsləri son dərəcə məsuliyyətlə hərəkət etməyə, birbaşa və ya dolayısı ilə bu prinsiplərə zidd və sülh prosesinə zərər verə biləcək bəyanatlardan çəkinməyə çağırıram. Bu məntiqin alternativi yoxdur. O, aydın və ardıcıl şəkildə təbliğ edilməlidir. Ermənistan və Azərbaycan xalqları sülhə və dinc yanaşı yaşamağa layiqdir. Müharibə olmayacaq, sülh olacaq",- Baş nazir əlavə edib. 

O, Ermənistan hərbçilərinə atəşkəs rejiminə riayət edilməsi ilə bağlı dəqiq əmr verdiyini də bir daha vurğulayıb. 

Firuzə Əliyeva