Acun Ilıcalı daxil olmaqla səkkiz nəfər həbs cəzası gözləyir

Türkiyənin tanınmış televiziya prodüseri və iş adamı Acun Ilıcalı, qanunsuz mərc oyunları ilə bağlı aparılan istintaq çərçivəsində ittiham olunur. İddialara görə, onun sahibi olduğu TV8 və Exxen platformalarında yayımlanan futbol oyunları zamanı qanunsuz mərc saytlarının reklamları təqdim edilib.  

Sfera.az xəbər verir ki, İstanbul Baş Prokurorluğu tərəfindən hazırlanan ittiham aktında, Acun Ilıcalı da daxil olmaqla, səkkiz nəfərin bir ildən üç ilə qədər həbs cəzası ilə cəzalandırılması tələb edilir. Məhkəmə ittiham aktını qəbul edərsə, Acun Ilıcalı və digər şübhəlilər mühakimə olunacaqlar.  

Qeyd edək ki, ötən il İstanbul Cümhuriyyət Prokurorluğu Acun Ilıcalı haqqında araşdırmalara başlamışdı.