"Ankaranın bu addımı atması..." - Qəzza Türkiyəyə birləşdiriləcək?

Əhməd Davudoğlu Qəzzanın Türkiyəyə birləşdirilməsini təklif edib. O, Osmanlı İmperiyası dövründə Fələstinin bu imperiyanın tərkibində olduğunu da əsas gətirib. 

Maraqlıdır, bu mümkün ola bilərmi?

Mövzu ilə bağlı Sfera.az-a açıqlama verən politoloq Kənan Novruzov bildirib ki, bu hadisənin yaxın zamanda baş verməsi gözlənilmir:

“Ümumiyyətlə, bu təşəbbüs hətta Türkiyə iqtidarı səviyyəsində müzakirə olunsa belə, cəmiyyət tərəfindən ciddi müqavimət və narazılıqla nəticələnəcək. O baxımdan, onsuz da Türkiyənin Qəzza məsələsi ilə bağlı mövqeyi xüsusən də Şərq dünyasında ciddi ajiotaj yaradır. İndiki anda Türkiyə bu addımı atmaz, çünki bu, ABŞ ilə toqquşma, İsraillə münasibətlərin daha da pisləşməsi deməkdir. Sadəcə olaraq bu bəyanat “Türkiyə Yaxın Şərqdədir və Qəzza bizim torpağımızdır, biz oranın azadlığı uğrunda lazım gəlsə, daha çox şey edərik” mesajı verməyə hesablanıb. 

Firuzə Əliyeva