Litva Ukraynaya çoxlu sayda PUA verəcək - Müdafiə naziri AÇIQLADI

Litva bu həftə Ukraynaya 5 milyon avro dəyərində 4500 pilotsuz uçan aparatı (PUA) təhvil verəcək.

Sfera.az Ukrayna mediasına istinadən xəbər verir ki, bu haqda məlumatı ölkənin müdafiə naziri Dovile Sakaliene sosial şəbəkədə paylaşıb. Nazir bu yardıma görə fəxr etdiklərini bildirib:

“Mən fəxr edirəm ki, bu həftə Litva Ukraynaya 5 milyon avro dəyərində 4500 pilotsuz təyyarə göndərir”.

Litvanın müdafiə nazirinin sözlərinə görə, hökumət Ukraynaya yardımın ötürülməsi prosesində bürokratik prosedurların vaxtını azaldacağını da deyib:

“Hökumətin son iclasında biz dövlət əmlakının sürətlə ötürülməsi ilə bağlı yeni proseduru təsdiq etdik. Bu dəyişikliklər Ukraynaya yardımın sürətli həyata keçirilməsini təmin edəcək, prosedurlar üçün tələb olunan vaxtı əhəmiyyətli dərəcədə azaldacaq".

Vasif

Sfera.az