ABŞ-dən Trüdonun istefasına REAKSİYA
ABŞ Kanadanın Baş naziri Castin Trüdonun partiya sədrliyi və Baş nazir vəzifəsindən istefası məsələsinə reaksiya verib.
Sfera.az bildirir ki, bu barədə Ağ Evin sözçüsü Karine Jan-Pyer danışıb. O qeyd edib ki, Castin Trüdo ABŞ-nin dostu olub.
“Baş nazir Castin Trüdo Kanada hökumətinin başında olduğu on il ərzində ABŞ-nin sadiq dostu olub. Yaxın müttəfiqlər, qonşular və G7-nin üzvləri kimi biz ölkələrimizin və dünyanın üzləşdiyi bir sıra məsələlərdə sıx əməkdaşlıq etmişik”, - Jan-Pyer bildirib.
Qeyd edək ki, Kanadanın Baş naziri Castin Trüdo Liberal Partiyasının rəhbərliyindən istefa verdiyini elan edib. 53 yaşlı siyasətçi paytaxt Ottavada keçirdiyi mətbuat konfransı zamanı partiya yeni liderini seçənə qədər Baş nazir vəzifəsində qalacağını açıqlayıb. O vurğulayıb ki, ölkə parlamenti martın 24-dək fəaliyyətini dayandıracaq.
Günay
