“Rusiya Ukrayna ilə danışıqlara hazırdır”.

Sfera.az bildirir ki, bunu Rusiya Prezidenti Vladimir Putin Kremldə xarici ölkələrin səfirlərinin etimadnaməsinin təqdimetmə mərasimində deyib.

“Dəfələrlə demişəm ki, Rusiya nəinki danışıqlara hazırdır, həm də müəyyən mərhələdə - münaqişənin başlanğıcında - bu danışıqları aparıb. Hətta Ukrayna tərəfi ilə paraflanan qarşılıqlı məqbul saziş hazırlanıb. Lakin Ukrayna tərəfi kənardan məsləhət alaraq bu razılaşmanı rədd etdi”, - Putin qeyd edib.

Qeyd edək ki, Rusiya və Ukrayna nümayəndə heyətlərinin İstanbulda görüşü 29 mart 2022-ci ildə baş tutub, danışıqlar təxminən üç saat davam edib.  Lakin daha sonra nizamlanma üzrə danışıqlar tamamilə dondurulub. Kiyev razılaşmalardan imtina edib. Ukrayna tərəfinin fikrincə, bu, Böyük Britaniyanın o vaxtkı Baş naziri Boris Consonun məsləhəti ilə baş verib.

Günay