Seçkidən əvvəl "səs nisbətimiz aşağı düşərsə, lazım olanı edəcəyəm, siyasətin “s”sini deməyəcəyəm” deyən İYİ Partiya sədri Meral Akşener istefa verəcəyi gözlənilərkən yalnız fövqəladə konqres keçiriləcəyini açıqlayıb.

Sfera.az xəbər verir ki, Akşener nəticələrlə bağlı harada səhv etdiklərini araşdıracaqlarını bildirib:

“Seçki qutularından gələn mesajı eşitmək bizim borcumuzdur. İYİ Partiyası olaraq məsuliyyətimizi öz üzərimizə götürəcəyik. Seçkilərin nəticələri ilə bağlı özümüzü tənqid edəcəyik".

Məlumata görə, partiya üzvləri arasında ümumi tendensiya Akşenerin sədr postunda qalması barədə olsa da, onun istefası ilə bağlı çağırışlar da var.

Belə ki, Akşenerə partiya daxilindən istefa vermək üçün ilk çağırış Bilge Yılmazdan gəlib.

İYİ Partiyasının qurucusu və keçmiş İstanbul millət vəkili Əhməd Çelik də sosial media hesabından Akşenerə səslənərək “Sənin başqan vəzifəsini tutmağa haqqın yoxdur” deyib.

İYİ Partiya Dənizli millət vəkili Yasin Öztürk Akşeneri deyil, heyətini istefaya çağırıb: “Sədrimizin qəbul etdiyi qurultay qərarını yüngülləşdirmək üçün şəxsən mənim partiya daxilində bir vəzifəm olsa idi, heç düşünmədən vəzifəmdən istefa verərdim".

Əzizə