“Növbədənkənar seçkiləri Zəfər seçkiləri adlandırmaq olar” - Arzu Nağıyev

“Fevralın 7-də baş tutacaq seçkini Zəfər seçkisi kimi də qiymətləndirmək olar. Məhz 44 günlük müharibədə zəfərin əldə edilməsi seçkilərin Şuşada, Xankəndində, Laçında, Xocalıda, Zəngilanda, Cəbrayılda, Kəlbəcərdə, Füzulidə və digər işğaldan azad edilən yaşayış məntəqələrində keçirilməsinə imkan verəcək. Buna görə də növbədənkənar seçkilər həm də Zəfər seçkiləri olacaq”.

Sfera.az xəbər verir ki, bunu millət vəkili Arzu Nağıyev 2024-cü ilin fevralın 7-nə təyin edilən prezident seçkilərinin əhəmiyyətini şərh edərkən qeyd edib.

A.Nağıyev bildirib ki, qaydalara görə vaxtında keçirilən seçkilərlə növbədənkənar keçirilən seçkilər arasında fərq yoxdur. Onun sözlərinə görə, burada əsas məqam seçkilərin Azərbaycanın müstəqillik dövründə ilk dəfə olaraq bütün ölkə ərazisində keçirilməsidir.

Millət vəkili hesab edir ki, torpaqlarımızın işğaldan azad edilməsindən sonra seçkilərin keçirilməsinin digər siyasi əhəmiyyəti də var:

“Azərbaycanın öz torpaqlarını işğaldan azad etməsini bəzi xarici qüvvələr hələ də qəbullana bilmir, bunu həzm etmək istəmir. Növbədənkənar seçkilərin təyin edilməsi həm də onu göstərir ki, Azərbaycan siyasi sistemi gücləndirməkdən, islahatları həyata keçirməkdən, ədalətli seçki mühitini təmin etməkdən yayınmır”.

Vasif