Krım parlamentinin sədrindən savaşla bağlı PROQNOZ: “Sülh olmayacaq”
“Ukraynada cəbhə parçalanmağa başlayanda Kiyev gücünü itirəcək”.
Sfera.az bildirir ki, bunu Krım parlamentinin rəhbəri Vladimir Konstantinov deyib. O, Rusiya qələbəsinin əvvəlcədən müəyyən edildiyini vurğulayıb.
“Dönüş nöqtəsi bu il olacaq. Vəziyyət indi münaqişənin sonuna doğru inkişaf edir, lakin tez bitməyəcək. Savaş sülhlə deyil, Kiyevin ölkə üzərində hakimiyyətini tamamilə itirməsi ilə başa çatacaq. Onların cəbhəsi dağılacaq, uzun müddət böyütdükləri bu nasist ağacı çökəcək”, - Konstantinov “RİA Novosti”yə müsahibəsində söyləyib.
O həmçinin qeyd edib ki, Rusiya müharibə zamanı tarixi torpaqlarını geri qaytara biləcək.
Xatırladaq ki, bundan əvvəl ABŞ Dəniz Piyadaları Korpusunun keçmiş kəşfiyyatçısı Skott Ritter də Ukrayna ordusunun payızda məğlub olacağını bildirmişdi.
Günay Rəsulqızı