Səudiyyə Ərəbistanı ilə yerli KOB-lar arasında maliyyə xətti açıldı - FOTO
18:49 / 17.03.2021
2518
Səudiyyə Ərəbistanı ilə ticarət əməliyyatları aparan kiçik və orta biznes subyektlərinə dəstək məqsədilə Azərbaycan Respublikasının Kiçik və Orta Biznesin İnkişafı Agentliyinin (KOBİA) təşəbbüsü və dəstəyi ilə Səudiyyə İnkişaf Fondu tərəfindən maliyyə xətti açılıb.
Sfera.az xəbər verir ki, bu barədə KOBİA-nın İdarə Heyətinin sədri Orxan Məmmədov məlumat verib.
Səudiyyə İnkişaf Fondunun İxrac Proqramı və "Kapital Bank” ASC arasında razılaşma sənədi imzalanıb. Sənədi Səudiyyə Ərəbistanı Krallığının Azərbaycandakı fövqəladə və səlahiyyətli səfiri Haməd bin Abdullah bin Səud bin Xudeyr və "Kapital Bank” ASC-nin İdarə Heyətinin sədri imzalayıblar.