Şəhid sərhədçilər II Şəhidlər xiyabanında dəfn olunacaq

Şəhid sərhədçilər II Şəhidlər xiyabanında dəfn olunacaq
Dövlət Sərhəd Xidmətinin Mi-17 tipli hərbi helikopterinin Xızı rayonu ərazisində yerləşən "Qaraheybət” aviasiya poliqonunda qəzaya uğraması nəticəsində həlak olan hərbçilər II Şəhidlər xiyabanında dəfn olunacaqlar.

Sfera.az xəbər verir ki, dəfn mərasimi bu gün keçiriləcək.

Artıq "Sərhədçi” İdman Kompleksində şəhid hərbi qulluqçularla keçirilən vida mərasimi başa çatıb.

Qeyd edək ki, Dövlət Sərhəd Xidmətinin hərbi helikopteri noyabrın 30-da Xızı rayonu ərazisində yerləşən "Qaraheybət” aviasiya poliqo­nunda təlim uçuşları yerinə yetirərkən qəzaya uğrayıb. Nəticədə 14 nəfər həlak olub, 2 nəfər yaralanıb.

Faktla bağlı Baş Prokurorluğun İstintaq idarəsində Cinayət Məcəlləsinin 352.2 (uçuş və ya uçuşa hazırlıq qaydalarını pozma ehtiyatsızlıqdan iki və ya daha çox şəxsin ölümünə səbəb olduqda) və digər maddələri ilə cinayət işi başlanıb.

Cinayət işi üzrə Baş Prokurorluğun və Dövlət Sərhəd Xidmətinin rəhbərliyinin, eləcə də məhkəmə-ballistik, məhkəmə-texniki-yanğın və məhkəmə-tibb ekspertlərinin iştirakı ilə hadisə yerinə baxış keçirilib, Müdafiə Nazirliyindən cəlb olunan mütəxəssis tərəfindən "qara qutu"nun götürülməsi təmin edilməklə hazırda onun tədqiqi aparılır.

Qəza nəticəsində həlak olanların adları:

1. polkovnik Cavadov Fizuli Əli İbram oğlu;

2. polkovnik Nəzirov Emil Nəzir oğlu;

3. mayor Həsənov Elmir Mircəlil oğlu;

4. mayor Əhmədov Elbrus Səmrəddin oğlu;

5. mayor Mayılov Emil Şahid oğlu;

6. mayor Məmmədov Murad Yaşar oğlu;

7. mayor Əliyev Emil Elman oğlu;

8. tibb xidməti kapitanı Əhmədxanov Ceyhun Xanlar oğlu;

9. kapitan Bayramlı Cavid Əhliman oğlu;

10. kapitan Əliyev Xəyyam Əlixan oğlu;

11, kapitan Qaraisayev Teymur Ənvər oğlu;

12. leytenant Süleymanov Abdulla Telman oğlu;

13. baş leytenant Nağıyev Fərid Təyyar oğlu;

14. işçi Nəbiyev Elçin Fikrət oğlu.
Sehliyali
Turan Bank

OXŞAR XƏBƏRLƏR

Bakıda 17 yaşlı qız 9-cu mərtəbədən yıxılaraq öldü

Bakıda 17 yaşlı qız hündürmərtəbəli binadan yıxılaraq ölüb. Hadisə Yasamal rayonunda qeydə alınıb. 2005-ci il təvəllüdlü Nuriyeva Gülnigar Faiq qızı hündü...

Cüdo üzrə Azərbaycan yığmasında kütləvi yoluxma baş verdi

Qran-Pridə iştirak etmək üçün Portuqaliyanın Almada şəhərinə yollanan cüdo üzrə Azərbaycan yığmasında koronavirusa kütləvi yoluxma halı baş verib. Sfera.a...

Ticarət mərkəzindəki yanğının təfərrüatı: İsinmək üçün ocaq qaladı...

Tovuz şəhərindəki ticarət mərkəzində ölümlə nəticələnən yanğın hadisəsinin bəzi təfərrüatları məlum olub. Sfera.az report-a istinadla xəbər verir ki, həmi...

Nərimanovdakı yanğında 20 nəfər təxliyə olundu

"Nərimanov rayonunda yaşayış binasında baş verən yanğınla bağlı 20 nəfər təxliyə olunub”. Sfera.az  xəbər verir ki, bu barədə jurnalistlərə açıqlamas...

Bakıda yaşayış binası yanır - FOTO

Bakıda yaşayış binası yanır. Sfera.az xəbər verir ki, Nərimanov rayonunda hündürmərtəbəli yaşayış binasında yanğın başlayıb. Hazırda yanğınsöndürənl...

Bakıda “AA” seriyalı maşının iştrakı ilə qəza: 4 avtomobil toqquşdu - FOTOLAR/YENİLƏNDİ

 Bakıda dörd avtomobilin iştrakı ilə qəza baş verib. Sfera.az xəbər verir ki, hadisə zamanı 90-AA-765 dövlət nömrə nişanlı "BMW 750" markalı avtomobi...