Səfər Əbiyevlə biznes ortaqlığı: Vahid Əhmədovu danışdıran səbəb

Səfər Əbiyevlə biznes ortaqlığı: Vahid Əhmədovu danışdıran səbəb

Deputat Vahid Əhmədov Milli Məclisin dünən keçirilən iclasında Müdafiə naziri Zakir Həsənov barədə danışaraq onun Azərbaycan dilini təmiz bilməməkdə günahlandırıb.


Sfera.Az-ın verdiyi xəbərə görə, bu çıxışa dərhal həm parlamentin rəhbərliyi, həm digər deputatlar sərt etiraz edərək Vahid Əhmədova yerini göstərdi. Milli Məclis Sədrinin birinci müavini Əli Hüseynlinin sözlərinə isə deputata vurulan sərt şillə demək olar:"Siz burada haqsız yerə Ali Baş Komandanın tapşırıqlarını şərəflə yerinə yetirən, Aprel zəfərimizdə xüsusi xidmətləri olan Müdafiə nazirini və Nazirliyin fəaliyyətini şübhə altına qoymağa cəhd etmisiniz. Bu baxımdan birmənalı olaraq bildirirəm, biz hansısa şəxsi maraqlarımız naminə ümumdövlət, Dağlıq Qarabağ məsələsi və müdafiə kimi məsələlərdə heç zaman başqa mövqe tutmalı deyilik”.


 

Zakir Həsənovun müdafiə naziri kimi ləkəsiz nüfuzunun olmasını, ictimaiyyət tərəfindən Orduda aparılan islahatların necə dəstəkləndiyini hər kəs bilir. Maraqlıdır, bəs bütün bunları bilən Vahid Əhmədovu özünü gülməli vəziyyətə salmağa vadar edən nədir?

 

 

Xırda araşdırma nəticəsində məlum oldu ki, Vahid Əhmədov keçmiş müdafiə naziri Səfər Əbiyevlə kirvəlik qohumluğu varmış. Onlar sonradan qazanılan bu "qan qohumluğu”na söykənərək də geniş biznes imperiyası yaradıblar. Səfər Əbiyev vəzifədə olduğu dövrdə Müdafiə Nazirliyinin əksər tenderlərini "təsadüfən” Vahid Əhmədovun şirklətləri qazanırdı. Bu tenderlər isə Ordunun ərzaq və geyim təminatının bütün sahələrini əhatə edir - əsgərin geydiyi çəkmədən tutmuş yediyi çörəyə qədər. Həmin illərdə yarımqarın yeyən, 2 il eyni çəkməni geyən əsgərlərimizin fonunda "çiçəklənən” Vahid Əhmədov - Səfər Əbiyev biznes ortaqlığı oldu. Bu biznes Azərbaycanın hüdudlarını da aşaraq Çexiyanın paytaxtı Praqada, digər ölkələrdə turistik pansionatlara və sair sahələrə şaxələndi.


 

Bu biznes ortaqlığı Səfər Əbiyev istefaya göndərildikdən sonra da davam edir. Belə ki, hazırda xaricdə olan bütün ortaq projeləri Vahid Əhmədov tərəfindən idarə olunur.

 

 

Son illər Azərbaycan Ordusunda aparılan islahatlar istər hərbçilərin maddi-texniki təminatında, istər yaşayış səviyyəsində ciddi müsbət dəyişikliklərə səbəb olub. Təbii ki, Müdafiə Nazirliyi strukturunda olan bütün bu dəyişikliklərdən kənarda qalan Səfər Əbiyev qəsqanclığını öz əlaltısı vasitəsilə dilə gətirməkdən başqa bir şey edə bilmir.

OXŞAR XƏBƏRLƏR

Postlardan keçə bilmək üçün icazə kağızı bəs etməyəcək – ŞƏRTLƏR

"Ötən həftə də sərtləşdirilmiş karantin rejimi ilə bağlı vətəndaşların rayona getməməsi üçün müraciət etmişdim”. Sfera.az xəbər verir ki, bunu dünən Nazir...

Yas mərasimləri yoluxmaların mənbəyinə çevrilib – Dinşünas çıxış yollarından danışdı

"İnsanlara izah etmək, başa salmaq, vəziyyəti aydınlaşdırmaq lazımdır, inzibati metod burada keçərli deyil”. Sfera.az-a açıqlamasında bu sözləri koronav...

Gəlirlərimiz azalır, böhran keçirən sektorlar hansılardır? - ŞƏRH

"İqtisadiyyat tənəzzülə uğrayır və hələ bəlli deyil ki, ilin sonuna qədər bizi hansı problemlər gözləyir. Hər kəs bunu bilməlidir. Eyni zamanda, dünya bazarla...

190 manatlıq ödəmə bu şəxslərə veriləcək - RƏSMİ AÇIQLAMA

Prezident İlham Əliyevin tapşırıqlarına uyğun olaraq, Nazirlər Kabinetinin təsdiqlədiyi Tədbirlər Planı əsasında ölkəmizdə pandemiya ilə əlaqədar 4,8 milyon vət...

QMİ-dən dəfn mərasimi və ehsan XƏBƏRDARLIĞI – 10 nəfərdən çox…

Son zamanlarda dünyada koronavirus pandemiyasının yayılması və fəsadlarının qarşısının alınması məqsədilə dövlətimiz tərəfindən bütün mümkün tibbi-sanitar və ic...

Azərbaycanda Milli Qurtuluş Günüdür

  Bu gün Azərbaycanda Milli Qurtuluş Günü qeyd olunur. Sfera.az  xəbər verir ki, Milli Məclisin 1993-cü il iyunun 15-də keçirilən iclasındakı ç...