Xərçəng dərmanlarının altsheymerə təsiri aşkarlanıb
ABŞ-də aparılan araşdırma, xərçəngin müalicəsində istifadə olunan letrozol və irinotekan dərmanlarının altsheymer xəstəliyinin beyində yaratdığı zədələri geri çevirə bildiyini ortaya qoyub.
Sfera.az xarici mediaya istinadən xəbər verir ki, Kaliforniya Universiteti San-Fransisko (UCSF) və Gladstone İnstitutları tərəfindən aparılan tədqiqatda bu dərmanlar siçanlar üzərində sınaqdan keçirilib.
Nəticədə beyindəki zərərli tau zülalları azalıb, yaddaş və öyrənmə funksiyaları isə yaxşılaşıb.
Letrozol neyronlara, irinotekan isə gliya hüceyrələrinə təsir göstərərək kombinasiya terapiyasına imkan yaradır. Tədqiqatçılar bu dərmanların altsheymer müalicəsində istifadə olunması üçün klinik sınaqlara hazırlaşır.
Araşdırmanın nəticələri “Cell” jurnalında dərc olunub. Alimlər bu kəşfin yaxın gələcəkdə milyonlarla altsheymer xəstəsi üçün yeni ümid olacağını bildirirlər.
Bəsti Rəfizadə
Sfera.az
