Peyvəndlər infarkta səbəb olur? - Həkim rəyi

Müxtəlif xəstəliklərə qarşı istifadə edilən peyvəndlərin insan sağlamlığı üçün müəyyən risklər yaratdığına dair narahatçılıqlar var. Peyvənlərin baş ağrılarından ürək tutmasına, beyin qanamasından ürək ritmi pozulmalarına qədər bir çox sağlamlıq problemi yaratdığı iddia olunur. 

Peyvənd olunanlar arasında hətta ölüm nisbətlərinin peyvənd olunmayanlara nisbətən daha çox olduğu bildirilir. 

Sfera.az Türkiyə mediasına istinadən xəbər verir ki, Medipol Sağlamlıq qrupunun professoru Muhammed Emin Akkoyunlu bu iddialarla bağlı öz fikrini açıqlayıb.

Akkoyunlu bildirib ki, peyvəndlərin güclü kənar təsirlərinin olması və digər sağlamlıq problemləri yaratması ilə bağlı fikirlər həqiqəti əks etdirmir. O qeyd edib ki, bu fikirlərin heç biri elmi əsaslara dayanmır, əksinə genişmiqyaslı araşdırmalar peyvəndlərin bu cür xəstəliklərə səbəb olmadığını göstərir:

“Araşdırmalar göstərir ki, penvəndlərin müəyyən kənar təsirləri olur. Amma bu təsirlər ciddi xarakterli olmur. Əvəzində peyvəndlər insanları ölümlərdən, ağır xəstəlik keçirməkdən qoruyur”.

Bəsti Rəfizadə