Rusiyada botulizmə KÜTLƏVİ YOLUXMA - Nazirlikdən TƏCİLİ AÇIQLAMA

Rusiyada botulizm diaqnozu ilə xəstəxanaya yerləşdirilən 149 nəfər evə buraxılıb.

Sfera.az “Lenta.ru”ya istinadən xəbər verir ki, bu haqda məlumatı “Rospotrebnadzor” (İstehlakçıların Hüquqlarının Müdafiəsi və İnsan Rifahına Nəzarət Federal Xidməti) yayıb.

İyunun 24-nə olan məlumata görə, “Rospotrebnadzor” 250 tondan artıq hazır məhsul və xammal müsadirə edib. Qeyd edilib ki, bəzi bölgələrdə yeni botulizm halları müəyyən olunur.

Xəstəlik iyun ayında Moskva şəhərində, Nijni Novqorod və Moskva vilayətlərində, eləcə də Tatarıstanda qeydə alınıb.

Rusiya Səhiyyə Nazirliyinin rəhbəri Mixail Muraşko isə bildirib ki, xəstələrin ümumi sayı 300-ü keçib. Zəhərlənməyə səbəb hazır salatların tərkibində olan lobya olub.

İyunun 24-də Yaroslavl, Tambov və Kostroma vilayətlərində də botulizmə yoluxma hallarının müəyyən edildiyi məlum olub.

Qeyd edək ki, botulizm ağır qida toksiki infeksiyası qrupuna aid olan xəstəlikdir. Əsasən, uzunsov və onurğa beyninin botulotoksinlə zədələnməsi ilə xarakterizə olunur. Botulizm düzgün konservləşdirilməmiş qida məhsulların - balıq, ət konservləri, meyvə-tərəvəz və s. qəbulu nəticəsində yaranır.

Vasif