"Xəritələrin verilməsi onların Qarabağı bir dəfəlik itirdiklərinin ən ciddi sübutu hesab olunacaq. Həmçinin ermənilər xəritələri təqdim etmədiklərinə və orada basdırılmış minaların partlamsı nəticəsində insan tələfatına səbəb olduqlarına görə beynəlxalq aləm tərəfindən cəzalandırılmayacaqlarını bilir və Azərbaycanın tələbini yerinə yetirməkdən boyun qaçırırlar. Xəritələrin Azərbaycana təqdim olunması indiki iqtidara qarşı müxalifətin əlinə ciddi arqument vermiş olardı və Paşinyan höküməti iyunun 20-nə təyin olunmuş növbədənkənar parlament seçkilərinə qədər nüfuzunu aşağı salacaq addımlardan qaçmaq kursu götürüb.
Müsahibimiz eyni zamanda deyib ki, Rusiya minalı ərazilərin xəritələrinin Azərbaycana verilməsində ciddi maraqlı deyil: "Çünki bu xəritələri özü alıb torpaqları minalardan təmizləməklə və Azərbaycan qarşısında nüfuzunu bir qədər də artıra bilər. Bütün bunlar ermənilərin qaniçən xislətini göstərən nümunələrdən biridir. Onlar başa düşməlidir ki, torpaqlar istənilən halda minalardan təmizlənəcək. Buna bizim güçümüz, vəsaitimiz və imkanlarımız çatır. Üstəlik Qardaş Türkiyə Respublikası digər məsələlərdə olduğu kimi indi də bizimlədir. Ola bilsin, bu proses müəyyən qədər vaxt tələb edəcək. Amma bu 30 il deyil, çox qısa zamanda baş verəcək. Qarabağda həyat əvvəlki kimi davam edəcək. Amma biz ermənilərin bu xəbis hərəkətinə dünya dövlətləri və beynəlxalq təşkilatlar qarşısında daha ciddi qaldırmalı, onların iç üzünün ifşa olunmasında bu hadisədən istifadə etməliyik”.
 
Günay Rəsulqızı