Toy günü Aynişanın başına iş gəlib - Foto

"Qız toyundan təmamilə fərqli obrazda oldum oğlan toyunda. Düzdür, əslində, bu tərz heç ağlıma belə gəlməmişdi və ümumiyyətlə, başqa bir əlbisə hazırlanmışdı. Son anda yaşadığımız texniki problemlərə görə, toya bir neçə saat qalmış biz qaçdıq gəlinlik donu axtarışına”.

Sfera.az xəbər verir ki, bu sözləri Əməkdar artist Aybəniz Haşımovanın qızı Aynişan Quliyeva sosial şəbəkədə paylaşıb. O, bir neçə gün öncə baş tutan oğlan toyunda başına gələnlərdən danışıb:

"Heç abartmadan necə var elə də yazacam. Rəfiqəm məsləhət gördü, tez getdik ora. (Mağazaya) Rəhbərlik bizi böyük sevgi ilə qarşıladı və ən eksklüziv geyimlərini təqdim etdi. Bir neçəsini geyindim baxdım, amma buna aşiq olduq hamımız. Qafqaz elementləri üstündə əks olunmuş bu geyimi seçdim, amma bədən quruluşuma oturtmaq əslində bir neçə gün tələb edirdi. Sevinc xanım bütün dərzilərin əlindəki işlərini dayandırıb, sadəcə bu geyimlə məşğul olmaqlarını istədi. Cəmi 1 saata gəlinlik hazır oldu və mən artıq panikam bitmiş halda evə döndüm. Anam deyir ki, yaxşı ki, mənə demədin yoxsa infarkt keçirərdim”