Roza Zərgərli: “İvana Sert layihəmdə pulsuz iştirak edəcək” - VİDEO

 "Mayın 10-dan etibarən yerli kanallarımızın birində 18 günlük realiti-şou başlayacaq. Doğma kanallarımızın birində yayımlanacaq bu layihəmizin formatı çox fərqlidir. Yəni, "dəb və gözəllik” yarışmasıdır”. 

Sfera.az bu sözləri oxu.az-a açıqlamasında müğənni Roza Zərgərli deyib. Tezliklə yayıma başlayacaq yeni layihəsinin anonsunu verən sənətçi realiti-şou ilə bağlı gizlin məqamları gün üzünə çıxardı:

"Şounun kastinqlərini artıq açıq elan edirik. Boyu 1,75 sm-dən çox olan, estetik və plastik əməliyyat keçirməyən gözəl xanımlar və yaraşıqlı bəylər kastinqlərimizdə iştirak edə bilərlər. Daha ətraflı məlumatı isə sosial media hesabımdan öyrənə bilərlər.

Layihədə qalib gələcək üç iştirakçını möhtəşəm hədiyyələr gözləyir. Belə ki, şounun qalibinə Türkiyədə keçiriləcək "Best Model”də iştirak etmək üçün vəsiqə veriləcək. İkinci yerin sahibi ilə moda kanallarının biri arasında müqavilə imzalanacaq. Üçüncü yerin sahibi ilə italyan brendi arasında bir illik müqavilə imzanalacaq. Sırf model yetişdirəcək bir layihə olacaq. Realiti-şounun isə adı "Style”dir. İdeya təbii ki, mənə məxsusdur.

Münsiflər kürsüsündə mən, İvana Sərt, model Rüstəm Cəbrayıllı olacaq. Dördüncü münsifin adını hələ ki açıqlamaq istəmirəm. Tezliklə bu barədə özüm məlumat verəcəyəm. Hələ tezdir”.

"Türkiyənin məşhur ulduzu, dizayner İvana Sert realiti-şouda münsif kürsüsündə oturacağına görə nə qədər qonorar alacaq?” sualına Roza "Desəm inanmayacaqsınız... Heç nə qədər. Pulsuz!” deyərək bu məsələnin üzərindən ehmalca keçdi”.

Oxu.Az-a açıqlamasında isə İvana Sert tezliklə işıq üzü görəcək layihə ilə bağlı bunları dedi:

"Bir bomba layihə gəlir. Azərbaycan hazırsınızmı, bilmirəm, amma biz yavaş-yavaş hazırlaşırıq. May ayında televiziya layihəsi ilə tamaşaçıların önünə çıxacağıq. Ən yaraşıqlı xanım və bəyi seçəcəyik. Şouda qalib gələcək üç şanslı iştirakçı həm Türkiyədə, həm də Azərbaycanda çox möhtəşəm layihələrdə yer alacaq. Böyük zövqlə bizim yeni proqramımızı izləyəcəksiniz”.

Daha sonra İvana Roza ilə dost olduğunu dilə gətirdi:

"Roza ilə çox gözəl dostluq münasibəti qurduq. Onu bir insan kimi çox sevdim. Rozanın həm özünü, həm də işlərini uğurlu görürəm”.