“Ancaq cib fikirləşirlər” - Özünə klub tapa bilməyən 17 yaşlı futbolçumuz karyerasını bitirdi

Azərbaycanlı qapıçı Cavid Qurbanov karyerasını bitirib.

Sfera.az xəbər verir ki, bu barədə 17 yaşlı futbolçu özü məlumat verib. Klub tapa bilməyən qolkiper karyerasını bitirmək qərarına gəlib. O, futbolla vidalaşması ilə bağlı bu sözləri deyib: "Bu gün, sabah əsgər olacağam. İnşallah hərbidə qalacağam”.

Futbolçu ona karyerasını bitirməməli olduğunu və uzun müddət sonra bu addımına görə peşman olacağını deyən şəxslərə belə cavab verib:

"Evdə mübarizə olur ki? Mübarizə klublarda olur. O da yoxdur. Vəssalam. Olmayan futbola görə peşman olmaq? "Səbail” bu gün mənə yalandan cavab yazdı ki, guya hər yaşda 4 qapıçı var. Mən bilmirəm ki, harda nə var? Kim kömək edəcək ki? Kim var ki? Hamısı cib fikirləşir. Azərbaycanda olan futbolçuların 80 faizi siqaret çəkir. Bəh-bəhlə dəvət edirlər. Siqaret çəkmirəm, içki içmirəm, mənə yer yoxdur. Lənətə gəlsin bunların hamısını. Tüpürəsən belə futbola.

Qeyd edək ki, onun son klubu "Kəpəz”in 17 yaşlılardan ibarət komandası olub. (yeni sabah)