“Ali və Nino”nun rejissoru “Oskar” aldı - Fotolar
11:21 / 29.02.2016
3186
Xəbər verdiyimiz kimi, ötən gün möhtəşəm "Oskar” mükafatlarının sahibləri bəlli olub.
"Qafqazinfo”nun məlumatına görə, gecədə "Ali və Nino” filminin rejissoru Asif Kapadia mükafatlandırılıb.
O, ötən il çəkdiyi "AMY” filminə görə "Ən yaxşı tammetrajlı sənədli film” mükafatına sahib olub.
Filmdə müğənni Amy Winehousenin həyatı , sənət fəaliyyəti və ifaları yer alıb.
Xatırladaq ki, Asif Kapadia "Ali və Nino” filminin də rejissorudur. Filmin icraçı prodüseri isə Heydər Əliyev Fondunun vitse-prezidenti Leyla Əliyevadır.
Qeyd edək ki, yanvar ayında filmin nümayişi ABŞ-ın "Sundance" beynəlxalq film festivalı çərçivəsində "Premyera" kateqoriyasında keçirilmişdi.
