"Çelsi" 16 yaşlı hücumçu transfer edib

"Çelsi” Norveçin "Tromsö” klubunun 16 yaşlı hücumçusu Brayan Fyabemanı transfer edib.

Sfera.az xəbər verir ki, bu barədə London klubunun rəsmi "Twitter” səhifəsi məlumat yayıb.

Qeyd edək ki, Fyabema Frenk Lempardın "Çelsi”ni çalışdırdığı müddətdə klubun transfer etdiyi ilk oyunçu olub. Ötən il FİFA-nın tətbiq etdiyi transfer qadağasına görə "zadəganlar” heç bir oyunçunu transfer edə bilməmişdi. Amma londonluların appelyasiya şikayəti nəticəsində, bu qadağa ötən ilin dekabrında ləğv olunub.

Fiabema "Tromsö”nün heyətində cəmi 1 rəsmi oyuna çıxmışdı. O, Norveçin 17 yaşlılardan ibarət millisində keçirdiyi 3 oyunda 3 qol vurub.