Şəmkir rayonunda soyğunçuluq hadisəsi baş verib.

Daxili İşlər Nazirliyindən "Qafqazinfo”ya verilən məlumata görə, hadisə fevralın 25-də Şəmkir rayonunun 20 Yanvar küçəsində olub. Rayon sakini Sarif Əliyev həmyerlisi Yalçın Sadıqova məxsus "Mercedes” markalı avtomobildən açıq talama yolu ilə içərisində 15000 manat və 15800 ABŞ dolları, habelə 1 ədəd mobil telefon olan torbanı götürüb qaçarkən həmin ərazidə xidmət aparan polis əməkdaşları tərəfindən tutulub. Şəmkir RPŞ tərəfindən araşdırma aparılır.