Bitcoin ilə maraqlanan investorların 43%-i qadınlardır
![Bitcoin ilə maraqlanan investorların 43%-i qadınlardır](https://sfera.az/photo/orginal/2019/12/27/237166.jpg)
Bitcoin fond operatoru olan Grayscale tərəfindən 4 dekabrda dərc edilən hesabata əsasən bitcoin ilə maraqlanan investorların 43%-i qadınlardır. Tədqiqat predmeti olan sorğuda 25-64 yaş arasında 1100 amerikalı investor iştirak edib. Bütün respondentlər fərdi sərmayələrdə iştirak etmiş və ən azı 10.000 ABŞ dolları məbləğində investisiya sahibləridir. Hesabatda qeyd olunduğu kimi, kriptovalyuta sektoru əsasən kişilərin üstünlük təşkil etdiyi məkanı hesab olunur. Əlavə olaraq, GoogleAnalytics, bitcoin cəmiyyətində iştirak edənlərin 90%-nin kişilər olduğunu iddia edir. Lakin keçirilən sorğu qadınların kripto investisiyalara marağının artdığını göstərir.
Sfera.az kriptoinvest.az-a istinadən bildirir ki, sorğuda iştirak edən və BTC-yə maraq göstərən investorların 43%-i qadınlar idi. Eyni zamanda onların 80%-i BTC-nin potensialına inandıqlarını bildirib, 93%-i isə daha çox məlumatlandiricı qaynaqların olduğu təqdirdə rəqəmsal aktivlərə investisiyalara açıq olduqlarını bildirib. Qadınlar kişilərdən fəqli olaraq kripto-investisiyaları varlanmaq üçün deyil, özlərini və ailələrini qorumaq üçün bir vasitə olaraq görürlər.