Salah Milad ağacını bəzədi və tənqidlərə tuş gəldi

Misirli futbolçu Məhəmməd Salahın sosial şəbəkələrdə paylaşdığı şəkil azarkeşlər arasında birmənalı qarşılanmayıb.

"Sm-news” agentliyi məlumat verir ki, müsəlman olduğu hamıya məlum olan futbolçunun evində Milad ağacını bəzəməsi və şəkil çəkərək paylaşması fanatları tərəfindən tənqid olunub.

"Bu haramdır”, "Dinin qaydalarını pozma!” "Adının mənasını unutma!” şərhləri ilə üzləşən futbolçuya dəstək olanlar da az olmayıb.

Qeyd edək ki, "Liverpulun” misirli ulduzu səkkiz ildən çoxdur Avropa klublarının heyətində top qovur. (oxu.az)