Britaniya kral ailəsi Milad açıqcasını təqdim etdilər - FOTO

38 yaşlı Şahzadə Meqan Markl və 35 yaşlı Şahzadə Harri cütlüyü Milad bayramı ilə əlaqədər açıqcanı təqdim ediblər.

Sfera.az oxu.az-a istinadla xəbər verir ki, Milad açıqcası "The Queen's Commonwealth Trust” (Kraliça Birliyi Güvəni) adlı xeyriyyəçilik təşkilatının "Twitter” hesabında paylaşılıb.

"Ailəmiz ailələrinizə şən bir Milad və xoşbəxt Yeni il arzulayır”, - deyə Meqan və Harri qarşıdan gələn Milad bayramı ilə hər kəsi təbrik ediblər.

Milad açıqcalarının əsas personajı cütlüyün yeddi aylıq oğlu Arçi olub. Arxa fonda isə Milad ağacının yanında oturan Arçinin valideynləri ikinci dərəcəli rolda olublar.

Diqqətçəkən məqam isə açıqcanın ağ-qara rəngdə olması və "gif” formatında  təqdim olunmasıdır.

Kral ailəsinin müxbiri Omid Kobinin verdiyi məlumata görə, foto "Səhər şousu” serialında Cennifer Eniston və Riz Uizerspun ilə rol alan aktrisa Yanina Qavankar tərəfindən lentə alınıb.