Prezidentin səfəri başa çatdı
Azərbaycan prezidenti İlham Əliyevin İran İslam Respublikasına rəsmi səfəri başa çatıb.
Sfera.az məlumatına görə, Tehranın "Mehrabad” hava limanında İlham Əliyevin şərəfinə fəxri qarovul dəstəsi düzülüb.
Prezident İlham Əliyevi İranın yüksək vəzifəli dövlət və hökumət rəsmiləri yola salıblar.
____________________________________________________________
20:56 / İlham Əliyev Xamenei ilə görüşdü
Prezidenti İlham Əliyevin və İran İslam Respublikasının ali rəhbəri Seyid Əli Xameneinin görüşü olub.
Sfera.az məlumatına görə, görüşdə tarixi, dini, mədəni köklərlə bağlı olan ölkələrimiz və xalqlarımız arasında əməkdaşlıq əlaqələrinin daha da inkişaf etdirilməsi perspektivləri ətrafında geniş fikir mübadiləsi aparılıb.
Regionda təhlükəsizliyin və sabitliyin təmin olunmasında birgə səylərin vacibliyi vurğulanıb, bu barədə iki ölkə prezidentlərinin görüşlərində də müzakirə aparıldığı bildirilib.
Həmçinin səfər çərçivəsində imzalanan sənədlərin ölkələrimiz arasında bütün sahələrdə əməkdaşlığın daha da inkişafına, Azərbaycan-İran münasibətlərinin möhkəmlənməsi işinə xidmət edəcəyi qeyd olundu.
Fevralın 23-də Azərbaycan prezidentinin İrana rəsmi səfəri başlayıb. İlham Əliyev səfər zamanı İran prezidenti Həsən Ruhani ilə də görüşüb. İki ölkə arasında müxtəlif sahələri əhatə edən 11 sənəd imzalanıb.
