BDYPİ-in əməkdaşları "Ölkəmizi tanıyaq" layihəsininin iştirakçıları ilə maarifləndirmə tədbiri keçirir
11:15 / 15.11.2019
1695
Gənc nəslin vətənpərvər ruhda formalaşmasına xidmət edən "Ölkəmizi tanıyaq"
layihəsinin keçirilməsi artıq ənənə halını alıb. Ötən gündən başlayaraq şagirdlərimiz
növbəti dəfə ölkəmizin müxtəlif bölgələrinə səyahətə çıxıb.
Hər il olduğu kimi yenə də layihə iştirakçılarının təhlükəsizliyini təmin edən Baş
Dövlət Yol Polisi İdarəsi bu mühüm vəzifənin icrası ilə yanaşı bu dəfə şagirdlərin yol
hərəkəti təhlükəsizliyi sahəsində maarifləndirilməsini vəzifəsini də yaddan çıxarmayıb.
«Azərbaycan Respublikasında yol hərəkətinin təhlükəsizliyinə dair 2019-2023-cü
illər üçün Dövlət Proqramı»nın məqsədlərinə uyğun olaraq keçirilən maarifləndirmə
tədbirində əsas hədəf layihə iştirakçılarına yol hərəkəti qaydalarını aşılamaq, təhsildə və
ictimai həyatda fəallıqları ilə seçilən şagirdləri yol hərəkəti təhlükəsizliyinin təbliğində
aktiv iştirakçıya çevirmək və onları ölkəmizdə yol mədəniyyətinin daha da inkişaf
etdirilməsinə yeni-yeni töhfələr verməyə ruhlandırmaqdır.
Tədbirə qatılan Baş Dövlət Yol Polisi İdarəsinin şöbə rəisi polis polkovnik-leytenantı
Rüfət Quliyev, baş inspektor polis polkovnik-leytenantı İsa Deystani, Quba rayon
Dövlət Yol Polisi Bölməsinin əməkdaşları və Avtosfer.az saytının baş redaktoru Elməddin
Muradlı "Ölkəmizi tanıyaq" layihəsinin iştirakçılarına uşaq və yeniyetmələr tərəfindən
çəkilmiş və üzərində yol hərəkəti iştirakçılarının maarifləndirilməsinə, o cümlədən
yolayrıclarında və piyada keçidlərində təhlükəsizlik qaydalarına riayət edilməsi,
motodəbilqədən və təhlükəsizlik kəmərindən istifadə vərdişlərinin aşılanması və sair bu
kimi yol hərəkəti qaydalarına həsr olunmuş bukletlərlər təqdim etmişlər.
Təsadüfi deyildir ki, bu formatda keçirilən maarifləndirmə tədbiri və hədiyyə olunan
təbliğat materialları şagirdlər tərəfindən olduqça müsbət qarşılanmış, bukletlərdə ehtiva
olunan mövzular üzrə geniş müzakirələr aparılmışdır.
Biz də inanırıq ki, "uşaq dili” ilə deyilən tövsiyələr "Ölkəmizi tanıyaq" layihəsinin
iştirakçıları tərəfindən heç zaman unudulmaz.
