“Qarabağ”ın futbolçusu yığmaya çağırılıb
18:30 / 28.10.2019
5453
Azərbaycan çempionu "Qarabağ”ın futbolçusu Simeon Slavçev Bolqarıstan milli komandasına çağırılıb.
Sfera.az bildirir ki, yığmanın yeni baş məşqçisi Georgi Dermenciyev ilk dəfə açıqlayacağı heyətdə yer verəcəyi legionerləri müəyyənləşdirib.
O, AVRO-2020-nin seçmə mərhələsinin noyabrın 17-də Çexiya ilə keçiriləcək qarşılaşmasında ölkə xaricində çıxış edən 8 futbolçuya dəvət göndərib. S.Slavçev də bu oyunçular sırasına daxil edilib.
Heyətə daxil ediləcək digər futbolçular noyabrın əvvəlində açıqlanacaq. Keçirdiyi 7 oyunda 3 xal toplamaqla A qrupunda sonuncu pillədə yer alan Bolqarıstan Çexiya ilə Sofiyada qarşılaşacaq.
Qeyd edək ki, S.Slavçev yığmada 24 oyun keçirib.
