“Playboy” ulduzu prezident olmaq istəyir: fahişəliyi leqallaşdıracaq - FOTO

"Playboy” dərgisinin ən seksual və cazibədar modellərindən biri olan Ava Karabatiç bu ilin dekabr ayında Xorvatiyada keçiriləcək prezident seçkilərində öz namizədliyini irəli sürəcək.

Sfera.az oxu.az-a istinadla xəbər verir ki, Ava bu barədə şəxsi "Instagram” hesabında məlumat paylaşıb:

"Qərara gəldim ki, prezidentliyə namizəd olacağam. Siyasət mənim ikinci sevgimdir. Artıq ölkəmin başına gələn pis şeyləri görməzdən gələ bilmirəm. Sanki hamı kordur. Gənclər ölkəni tərk edir, məhsuldarlıq azalır”.

Model artıq yaxın aylarda görəcəyi işlərdən bəhs edib. O, fahişəlik və marixuananın leqallaşdırılmasını, eyni zamanda, abort və korrupsiyaya qarşı mübarizə aparmağı planlaşdırır.

"Şəxsiyyətimin intellektual tərəfini görməzlikdən gələn çox sayda şərh alacağımı bilirəm. Mən italyan dili və Roma ədəbiyyatı professoruyam”.

Qeyd edək ki, Xorvatiyada seçkilər 21 dekabr 2019-cu ildən 20 yanvar 2020-dək keçiriləcək. O, hazırkı prezident Kolinda Qrabar-Kitaroviçə rəqib olacaq.