La Liqanın oyunu Mayamidə keçiriləcək

Futbol üzrə İspaniya çempionatının oyunu ABŞ-ın Mayami şəhərində keçiriləcək.

Sfera.az xəbər verir ki, söhbət La Liqanın XVI turu çərçivəsində baş tutacaq "Vilyarreal” – "Atletiko” matçından gedir. Bildirilir ki, hər iki klub görüşün 65 min tamaşaçı tutumuna malik "Hard Rok” stadionunda reallaşmasına razılıq verib.

Qeyd edək ki, ötən mövsüm La Liqa rəhbərliyi "Barselona” - "Jirona” oyununu da ABŞ-da təşkil etmək istəyib. Lakin müxtəlif səbəblərdən bu, gerçəkləşməyib.