Zidan: “Real”ı tərk etdiyimə görə peşman deyiləm”

"Bizim nəticələr istədiyimiz kimi deyil. Amma biz yaxşı oynayırıq və onların daha da yaxşılaşacağına əminəm”.

Sfera.az bildirir ki,  bunu İspaniyanın "Real” klubunun baş məşqçisi Zinəddin Zidanın oğlu Luka Zidan deyib.

"Real”ın "Rasinq”ə icarəyə verdiyi futbolçu "Kral klubu”nu tərk etdiyinə peşman olmadığını bildirib: "Əla klubda olmağıma şadam. Burda məni çox yaxşı qarşıladılar. "Real”ı tərk etdiyimə görə peşman deyiləm. Bu, vacib addım idi. Mən bunu etməli idim. Peşəkar klubda olmaq, oynamaq, özümün faydalılığımı sübut etməliydim. Bir neçə ildən sonra nə olacağını deyə bilmərəm. Başa düşürəm ki, məndən "Real” barədə soruşulması normaldır. Amma cavab vermək fikrində deyiləm”.

Qeyd edək ki, L. Zidan cari mövsümdə Sequndada keçirdiyi 9 oyunda 10 qol buraxıb.