IDC: Azərbaycanda server bazarı 27% artıb
![IDC: Azərbaycanda server bazarı 27% artıb](https://sfera.az/photo/orginal/2019/09/18/249308.jpg)
12:21 / 18.09.2019
2833
Ötən il ərzində Azərbaycanın server bazarının həcmi əvvəlki illə müqayisədə 27,1% artıb.
Bunu "APA-Economics”ə IDC (International Data Corporation) beynəlxalq tədqiqat və konsaltinq şirkətinin vitse-prezidenti və regional direktoru Robert Fariş deyib.
Onun sözlərinə görə, həmçinin ölkə üzrə ötən il 20,3%-lik artım noutbuk bazarında müşahidə olunub.
"Hesab edirik ki, bu bazarlar cari ildə də müvafiq olaraq 20% və 13%-lik artım tempi nümayiş etdirəcək. Azərbaycan server və fərdi kompüterlər bazarları üzrə MDB məkanında Rusiya, Ukrayna və Qazaxıstandan sonra ən böyük bazar sayılır”, - deyə R. Fariş qeyd edib.