Bakcell və ASAN könüllüləri növbəti dəfə uşaqları sevindirdilər
16:40 / 13.09.2019
2145
Azərbaycanın İlk Mobil Operatoru və Ən Sürətli Mobil İnternet Provayderi Bakcell şirkəti növbəti
dəfə "ASAN Könüllüləri” Təşkilatının "ASAN Məktub” layihəsinin təşəbbüsündə iştirak edib.
Təşəbbüs çərçivəsində "ASAN Könüllüləri” Təşkilatı və Bakcell şirkətinin əməkdaşlığı,
"Məktəblinin dostu” layihəsinin tərəfdaşlığı ilə xüsusi aksiya təşkil olunub. "Bilik Günü”
münasibətilə keçirilmiş bu aksiyanın əsas məqsədi yeni tədris ilinin başlaması ilə əlaqədar olaraq
həssas qruplara aid uşaqları sevindirmək, onların arzu və istəklərini reallaşdırmaqdır.
Bakcell nümayəndələri və ASAN könüllülərinin iştirakı ilə keçirilmiş xüsusi tədbirdə 284 nömrəli
məktəbdə təhsil alan 25 şagirdə "Bakcell”dən məktəbli çantaları və digər məktəb ləvazimatları
hədiyyə edilib.
"ASAN Məktub” layihəsinin əsas məqsədi həssas qruplara aid olan uşaqlara sevinc bəxş etmək
və cəmiyyətdə sosial məsuliyyət və qayğı hissini daha da artırmaqdır. Uşaqların saf arzularını
reallığa çevirən "ASAN Məktub” layihəsi 14 yaşadək olan uşaqları əhatə edir. Layihə çərçivəsində
uşaqların məktubları www.asanmektub.az saytına yerləşdirilir və onların istəkləri müxtəlif
şirkətlər və xeyirxah vətəndaşlar tərəfindən gerçəyə çevrilir. Bakcell şirkəti layihəyə həmçinin
mobil rabitə dəstəyi göstərir.
Bakcell şirkəti xüsusi qayğıya ehtiyacı olan və həssas qruplara aid uşaqlara dəstək göstərilməsi,
onlar üçün bərabər hüquqların, inklüziv təhsil imkanlarının təmin edilməsinə yönəlmiş bir çox
layihələrdə fəal iştirak edərək minlərlə uşağa dəstək göstərir. "ASAN Məktub” layihəsi ilə
tərəfdaşlıq Bakcell şirkətinə uşaqları sevindirmək və onların saf arzularını həyata keçirmək üçün
daha böyük imkan yaradıb.
