Xoşbəxtlik naziri, 22 yaşlı Oxford məzunu... - BƏƏ-nin yeni qadın nazirləri - BƏƏ-nin yeni qadın nazirləri

Birləşmiş Ərəb Əmirliyi Nazirlər Kabinetinin yeni tərkibini açıqlayıb.

“Qafqazinfo” xarici KİV-ə istinadən xəbər verir ki, budəfəki kabinetdə ən diqqətçəkən məqam gənc kadrlara, xüsusən də, qadınlara üstünlük verilməsi olub. Yeni nazirlərin orta yaş həddi 38-dir. Kabinetin 29 üzvündən 8-i qadındır.

Digər maraqlı məqam isə, yeni yaradılan Xoşbəxtlik Nazirliyi postu olub. Bu nazir postuna Ohood Al Roumi təyin edilib.

Şəmma Əl Mazrui Gənclərlə İş üzrə Dövlət Nazirliyinə rəhbərlik edəcək. 22 yaşlı nazir Oxford məzunudur.

Nura Əl Kaabi isə Federal Milli Şura üzrə nazir təyin edilib.

20 illik təhsil sahəsində təcrübəsi olan Jameela Salem Əl Muhairi Ümumi Təhsil naziri təyin edilib. 

Üç uşaq anası olan Najla Əl Avar İctimai İnkişaf naziri seçilib.

Xatırladaq ki, yeni kabinetin tərkibini BƏƏ-nin vitse-prezident və baş naziri, Dubayın əmiri Şeyx Məhəmməd bin-Rəşid Əl-Maktum tvitter hesabında elan etmişdi.