“Qarabağ” azarkeşləri UEFA-nın hesabatında birinci yerdə qərarlaşıblar

UEFA 2019/2020 mövsümündə avrokubokların qrup mərhələsinə qatılan klubların sosial şəbəkələrdəki rəsmi səhifələrində azarkeşlərinin ən aktiv olduğu klubun adını açıqlayıb.

Sfera.az "Report” a istinadən  xəbər verir ki, bu, Azərbaycanı Avropa Liqasında təmsil edən "Qarabağ” klubudur. Ağdam komandasının izləyicilərinin orta fəallıq göstəricisi 29,9-dur. İkinci sırada 23,7 göstərici ilə Serbiya "Srvena Zvezda”sı dayanır. Hollandiyanın "Ayaks” klubu isə 3-cü sıradadır.

Sosial şəbəkələrdə ən çox izləyicisi olan klub İspaniya təmsilçisi "Real Madrid”dir – 222 milyon.

Çempionlar Liqası (ÇL) və Avropa Liqasında (AL) yer alan 80 klubun ümumilikdə 8,4 milayrd izləyicisi var.

Qeyd edək ki, hesabat hazırlanarkən, "Facebook”, "Instagram”, "YouTube” və "Twitter”də bu ilin iyul ayı üçün göstəricilər nəzərə alınıb.