"Rosneft" neftin 10 dollara qədər ucuzlaşacağını istisna etmir
İqtisadiyyat
06:40 / 11.02.2016
2333
Maliyyə alverçiləri ucbatından neftin bir barelinin qiyməti 10 dollara kimi düşə bilər.
Trend-in "İnterfaks"a istinadən verdiyi məlumata görə, bunu Rusiyanın "Rosneft" Dövlət
Neft Şirkətinin prezidenti İqor Seçin bəyan edib.
Londonda "International Petroleum Week" konfransında çıxış edən İ.Seçin deyib ki, alverçilərlə
mübarizənin yolu neft hasilatının azaldılmasıdır: "İstehsalçılar tərəfindən mütəşəkkil olaraq
neft hasilatının sutkada 1 milyon barel azaldılması dunya bazarındakı qeyri-müəyyənliyi aradan
qaldıra bilər".
O, hesab edir ki, 2016-cı ilin sonuna neftə tələb və təklifin disbalansı azala bilər, 2017-cı ilin
axırlarına isə sutkada 0,5 milyon barel "qara qızıl"ın defisitini ehtimal etmək olar.
