Həyətində çətənə kolları əkib satmaq istədi - FOTO\VİDEO
15:30 / 01.08.2019
3242
Baş Narkotiklərlə Mübarizə İdarəsinin əməkdaşlarının növbəti əməliyyat tədbiri nəticəsində Novxanı qəsəbə sakini əvvəllər məhkum olunmuş Taleh Ağayev saxlanılıb.
Daxili İşlər Nazirliyinin Mətbuat xidmətinin məlumatına görə, onun qəsəbə ərazisindəki həyətyanı sahəsində yerləşən istixanaya baxış keçirilən zaman kultivasiya yolu ilə yetişdirilən 252 ədəd çətənə kolu aşkar edilərək götürülüb.
T.Ağayev ifadəsində narkotik tərkibli bitkiləri bir müddət əvvəl əkdiyini və xüsusi qulluq edərək yetişdirdyini etiraf edib. Onun məqsədi isə çətənə kollarını qurudandan sonra satmaq olub.
Faktla bağlı saxlanılan şəxs barəsində cinayət işi başlanılıb, istintaq tədbirləri davam aparılır.
