Qarpızın zəhərli olduğunu göstərən amillər

Yay mövsümündə insanlar sərinləşdirici kimi ya içkilərdən (su, ayran və s.) ya da soyuducudan çıxarılmış meyvələrdən istifadə edirlər. Bunlar arasında bostan bitkisi sayılan qarpıza tələbat daha çox olur. İçərisi qırmızı rəngli və tumlu olan bu sulu qida daha çox sərinləşdirici kimi istehlak edilir. Təəssüf ki, böyükdən kiçiyə hər kəsin sevərək yediyi qarpızdan zəhərlənənlərin sayı da az deyil. Zəhərlənmənin əsas səbəbi isə qarpızın ya köhnəlmiş olması ya da qeyri-təbii üsulla yetişdirilməsi olur. Qarpızın yetişdirilmə mərhələsində azotlu gübrələrin yalnış istifadəsi, meyvədəki nitrat səviyyəsini yüksəldir. Normadan artıq nitrat qəbulu da zəhərlənməyə gətirib çıxardır.
Yeniavaz.com qarpızın zəhərli olduğunu göstərən amilləri təqdim edir:
Əgər qarpız qabığının içərisi sarı rəngdədirsə bu, qarpızda nitratın çoxluğundan xəbər verir. Belə qarpızları almaq təhlükəlidir. Qapığın içərisi mütləq ağ rəngdə olmalıdır.
Qarpızda deşiklər varsa - Deşikli qarpızlar ilk baxışda orqanik təəssürat yaratsa da belə qarpızlardan uzaq durmaq lazımdır. Deşikli qarpızlar köhnəlmiş sayılır və bu da orqanizmə zərərlidir.
Qarpızı kəsdikdən onun orta hissəsi yumşaqdırsa - Belə qarpızlar ya düzgün şəraitdə saxlanılmayıb ya da qeyri-təbii üsulla yetişdirilib. Araşdırmalara görə, müxtəlif dərmanlarla yetişdirilən qarpızların orta hissəsi yumşaq olur. Bu qarpızlardan da mütləq şəkildə uzaq durmaq lazımdır. Çünki, onlar zəhərli ola bilər.
Qarpızı suya qoyan zaman rəngi dəyişərsə - Qarpızdakı nitrat səviyyəsini bu üsulla yoxlaya bilərsiz. Bunun üçün ilk növbədə bir dilim qarpızı suyun içərisinə qoyun. Bir müddətdən sonra suyun rəngi parlaq və çəhrayı rəngdə olarsa, bu qarpızda nitratın çoxluğundan xəbər verir.
Çəkisi yüngül olarsa - Qarpızın çəkisi çox yüngül olmamalıdır. Aldığınızı qarpızın çəkisinə mütləq şəkildə diqqət etməlisiz.