Zaqatalada dəhşətli qəza - 2 nəfər öldü
Bu gün səhər 05 radələrində Yevlax-Zaqatala-Gürcüstan magistral sərhəd yolunun 132-ci kilometrliyində, Zaqatala şəhəri ərazisindən keçən hissəsində qəza baş verib.
"Qafqazinfo” xəbər verir ki, Balakən rayonu Katex kənd sakini, 1959-cu il təvəllüdlü Şamsuda Carullah oğlu Osmanovun idarə etdiyi "Shacman” markalı 90 ST 247 dövlət nömrə nişanlı iritonnajlı yük maşını ilə "VAZ 2109” markalı, 62 BK 865 dövlət nömrə nişanlı minik avtomobili toqquşub.
Qəza nəticəsində "Shacman”ın sürücüsü xəsarət almasa da, minik avtomobilində olan Zaqatala şəhər sakini 1987-ci il təvəllüdlü Çingiz Hacıbəy oğlu Sulxayev və şəxsiyyəti hələ dəqiqləşməyən daha bir nəfər aldıqları müxtəlif dərəcəli ağır bədən xəsarətlərindən hadisə yerində ölüblər.
Minik avtomobilində olan daha bir nəfər, rayonun Qazangül qəsəbə sakini, 1988-ci il təvəllüdlü Rafiq Yunus oğlu Bəkirov aldığı müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına aparılıb.
Xəstəxanadan verilən məumata görə, R. Bəkirovun müalicəsi xəstəxananın Reanimasiya şöbəsində aparılır, vəziyyəti ağır qiymətləndirilir.
Faktla bağlı araşdırma aparılır.
