İlham Əliyev yeni seçilmiş prezidentlə görüşüb

Azərbaycan prezidenti İlham Əliyev Latviyanın yeni seçilmiş Prezidenti Raymonds Veyonis ilə görüşüb. 

“Qafqazinfo” AzerTac-a istinadən xəbər verir ki, dövlət başçısı Raymonds Veyonisi Latviya Prezidenti seçilməsi münasibətilə təbrik edib, ona ali dövləti fəaliyyətində uğurlar arzulayıb. Prezident İlham Əliyev Azərbaycan ilə Latviya arasında ikitərəfli münasibətlərin bundan sonra da uğurla inkişaf edəcəyinə əminliyini bildirib. 

Prezident Raymonds Veyonis Latviya-Azərbaycan əməkdaşlığının yaxşı səviyyədə olduğunu bildirdi, ölkələrimizin iş adamları, müxtəlif nazirliklər və qurumlar arasında əlaqələrin genişləndirilməsi üçün böyük imkanların mövcudluğunu qeyd edib.