Futbola yeni qalmaqallı qayda gəlir
UEFA 2021-ci ildə qitə turnirlərində yeni qayda tətbiq edəcək.
Publika.az xəbər verir ki, meydançada beyin sarsıntısı keçirən futbolçular başqası ilə əvəzlənəcək.
Bunu ali futbol qurumunun prezidenti Aleksandr Çeferin açıqlayıb. Prezident bildirib ki, əlavə oyunçu dəyişikliyi qərarını Çempionlar Liqasının finalında beyin sarsıntısı keçirmə şübhəsinə rəğmən, yaşıl meydançaya geri qayıdan belçikalı futbolçu Yan Vertonqeni gördükdən sonra verib: "Vertonqenə nəsə olmasından qorxdum. Çünki meydana qayıdanda özündə deyildi. Oradaca ölə bilərdi. Bu qaydanı meydana gətirmək üçün FİFA ilə görüşəcəyik. FİFA bu problemi həll etməyə çalışır. Əgər oyunçulara nəsə olsa, sonsuza qədər peşman qalarıq. Bir oyunçunun ehtiyacı varsa, ona yardım etməlisiniz. Qayda dəyişikliyi oyuna təsir göstərməyəcək”.
UEFA Beynəlxalq Futbol Federasiyaları Birliyi (FİFA) və Beynəlxalq Futbol Birliyi Qurumunu (İFAB) həkimlər və tibbi heyətin üzərindəki təzyiqi azaltmaq, beyin sarsıntısı keçirmə şübhəsi olan oyunçuların meydana qayıtmasını əngəlləmək üçün qayda dəyişikliyi etməyə çağırıb.
