“WhatsApp” istifadəçilərinin nəzərinə - YENİ VİRUS YAYILIB
“WhatsApp” adı altında istifadəçilərin pullarını oğurlayan virus yayılıb
“Eset” antivirus şirkəti istifadəçilərə şəbəkədə mövcud olan troyan təhlükəsi ilə bağlı xəbərdarlıq edib.
Sfera.az-ın İKT.lent.az-a istinadən məlumatına görə, şirkət bildirib ki, “TrojanSMS.Agent.ZS” adkanan virus “WhatsApp” formasında maskalanır və istifadəçilərin hesabındakı pulları oğurlayır.
Məlumatda deyilir ki, insanlar ziyanverici proqramı mobil əlavələrin saytlarından yükləyirlər. Troyan “WhatsApp” messenceri ilə maskalanır və istifadəçilər tam olaraq məhz bu əlavəni yüklədiklərinə əmin olurlar.
Yükləmə zamanı “TrojanSMS.Agent.ZS” virusu yüklənməsi üçün administratorun hüquqi icazəsini istəyir. Məhz bundan sonra da virus planşetlərə, smartfonlara və digər “Android” avadanlıqlara ziyan vurmağa başlayır.
Bundan sonra troyan virusu ödənişli nömrələrə SMS məlumatlar göndərərək, avadanlıq barədə məlumatları lazımı yerlərə göndərir, müxtəlif zənglər edərək, istifadəçinin hesabından pulları oğurlamağa başlayır.
“Eset” mütəxəssisləri “Android” istifadəçilərini etibarlı antivurus yükləməklə istifadəçilərin özlərini və avadanlıqlarını mühafizə etməyə çağırırlar. Bundan başqa, mütəxəssislər bu tip proqramları ancaq yoxlanılmış mənbələrdən, idealda isə qanuni əlavələr olan mağazalardan əldə etməyi məsləhət görürlər.
