İŞİD terror təşkilatı ilə Bəşər Əsəd rejiminin rəsmiləri arasında mayın 28-də Suriyanın Əl-Həsəkə şəhərində gizli görüş olub.  

Sefera.az xəbər verir ki, Türkiyənin “Sabah” qəzeti görüşün pərdəarxası məqamlarını əldə edib.   Görüşdə Əsəd və İŞİD nümayəndələri Azad Suriya Ordusunu (ASO) ortaq düşmən elan ediblər və birgə mübarizə qərarı alıblar. Razılaşmaya görə, Əsəd rejimi havadan, İŞİD isə qurudan ASO-ya qarşı hücum edəcək.   Əsəd rəsmiləri həmçinin İŞİD-dən İslam ordusu təşkilatının lideri Zehran Alluşinin öldürülməsini tələb edib.   Əsəd bu xidmətlərinin qarşılığında Tedmur və Sühnə şəhərlərini terror təşkilatına verəcək. İŞİD Əsədə neft satacaq və Suriyanın boru xətləri-tankerləri terror təşkilatının istifadəsində olacaq.