Manatın məzənnəsi ilə maraqlananlar bu xəbəri izləsin - VİDEO

Mərkəzi Bankın valyuta ehtiyatları artdı.

Azərbaycan iqtisadiyyatında devalvasiyadan sonra bir sıra mühüm göstəricilər üzrə rəqəmlərdə ilk dəfə müsbət dəyişiklik müşahidə olunmağa başlayıb. Ekspertlər Mərkəzi Bankın yeni yaydığı rəqəmləri Azərbaycan iqtisadiyyatının dayanıqlığının nəticəsi kimi qiymətləndirirlər.

Azərbaycan iqtisadiyyatı devalvasiyadan sonra yaranan proseslərə çevik reaksiya verməklə müxtəlif göstəricilər üzrə artımlara nail olub.Mərkəzi Bankın may ayına olan statistik rəqəmləri belə deməyə əsas verir.

2014-cü ilin iyun ayından azalmağa başlayan Mərkəzi Bankın valyuta ehtiyyatları ilk dəfə bu ilin may ayı ərzində 847,1 milyon dollar və ya 14.5 faiz artaraq 6 milyard 683 milyon dollara yüksəlib.Bu artımda Mərkəzi Banka istiqrazlar buraxmaq kimi yeni səlahiyyətin verilməsi və Birinci Avropa Oyunları önəmli rol oynayıb.

İqtisadi göstəricilərdə daha bir müsbət dəyişikik dövriyyədə olan nağd pul kütləsindəki dəyişiklikdir. Azərbaycanda dövriyyədə olan nağd pul kütləsinin həcmi may ayına nisbətən artaraq iyunun 1-də 7 milyard 597 milyon manat olub.Bu isə may ayı ilə müqayisədə 178 milyon və ya 2.4 faiz çoxdur...

Daha bir vacib məqam budur ki, yay fəsli boyunca qiymətlərdə hansısa bahalaşma gözlənilmir. //xezerxeber

Sfera.az