“Qızıl buts”: Messi Mbappeyə qarşı
![“Qızıl buts”: Messi Mbappeyə qarşı](https://sfera.az/photo/orginal/2019/04/24/262184.jpg)
İdman
15:39 / 24.04.2019
3356
Avropanın aparıcı futbol ölkələrində çempinlar bəlli olmaqdadı.
Mövsümün sonu yaxınlaşdıqca "Qızıl buts” mükafatı uğrunda mübarizə də qızışır.
Hazırda bu siyahıda "Barselona"nın ulduzu Lionel Messinin liderliyi davam edir. Kilian Mbappe (PSJ) ondan cəmi 3 qol geri qalır. Üçüncü pillədə qərarlaşan "Sampdoriya”nın təcrübəli forvardı Fabio Kvalyarellanın hesabında isə 22 qol var.
"Qızıl buts”u qazanmağa yenə əsas namizəd göstərilən Messi ötən mövsüm 34 qolla karyerasında 5-ci dəfə bu mükafata sahib çıxmışdı. O, 2009/10, 2011/12, 2012/13 və 2016/17 mövsümlərində də Avropada bombardir adını qazanmışdı.
Cari mövsümdə isə onu bu mükafatdan edəcək yeganə rəqib kimi Mbappeni göstərmək olar. Son turda het-trikə imza atan fransalı futbolçunu qarşıda daha beş oyun gözləyir. İspaniyada isə mövsümün sonuna 4 tur qalıb. Üstəlik, məşqçilər korpusu Messini digər turnirlər üçün qorumağa da çalışırlar.
1. Lionel Messi (Barselona) - 33 qol (66 xal)
2. Kilian Mbappe (PSJ) - 30 (60)
3. Fabio Kvalyarella (Sampdoriya) - 22 (44)
4. Mbaye Diane (Kasımpaşa/Qalatasaray) - 28 (42)
5. Luis Suares (Barselona) – 21 (42)
6. Robert Levandovski (Bavariya) - 21 (42)
7. Kristof Pyontek (Cenoa/Milan) - 21 (42)
8. Kərim Benzema (Real) 21 (42)
9. Duvan Sapata (Atalanta) - 21 (42)
10. Luk de Yonq (PSV) - 27 (40.5)
11. Kristiano Ronaldo (Yuventus) - 19 (38)
12. Serxio Aquero (Mançester Siti) - 19 (38)
13. Məhəmməd Salah (Liverpul) - 19 (38)
14. Nikolas Pepe (Lill) - 19 (38)
15. Pyer-Emerik Obameyanq (Arsenal) - 19 (38)