“İntiharların qarşısını almaq üçün şura yaradılmalıdır”- Ceyhun Osmanlı
09:19 / 17.04.2019
4819
Sabiq millət vəkili Ceyhun Osmanlı sosial şəbəkədə maraqlı təkliflə çıxış edib. Sfera.az xəbər verir ki, sabiq millət vəkili orta məktəblərdəki intiharların sayının artmasını bu sahədəki boşluqlarla əlaqələndirib. Millət vəkili tezliklə şuranın yaradılmasının vacibliyini yazıb. Ceyhun Osmanlının statusunu olduğu kimi təqdim edirik:
"Təhsil sektorunda son günlərdə ciddi polemikalar var. Görünən budur ki, təhsil sektorunda çalışan xeyli dərdli insan var. Bu dərdlər dinlənilmədikcə və həllini tapmadıqca daha da dərinləşir və sonradan həlli mümkün olmayan problemlərə çevrilir. Görünür Təhsil sahəsində dövlət səviyyəsində nüfuzu olacaq bir İctimai Şuranın yaranmasına ehtiyac var. Vaxtilə vəya indi təhsil sahəsində çalışmış təcrübəli professor və akademiklərin olduğu bir Şura. Haqqı nahaqdan, xeyiri şərdən seçə biləcək bilik və təcrübəyə malik insanlar bir araya gəlməlidir. İnsanların inandığı və legitim gücü olan və təklifləri dövlət səviyyəsində eşidiləcək bir struktura ehtiyac var. Azərbaycan təhsili önəmlidir. Barrikadalar qurub qarşılıqlı daş atmaqla bu problemlər həllini tapmayacaq...Təhsil ekspertlərinin fikrini bilmək maraqlı olardı Etibar Əliyev Kamran Əsədov Emin Amrullayev Bakhtiyar Hajiyev Mehman Badalzade
P.S. əks təqdirdə intiharların sayı çoxala bilər...”
